Қазақстанда Шенген визасын қалай алуға болады

Бір немесе бірнеше еуропалық елдерге саяхат жасауды жоспарлап отырсыз ба? Әрине, сізді қызықтыратын бірінші сұрақ: Қазақстанда Шенген визасын қалай алуға болады? Виза берілсе, Шенген аймағына кіретін 29 мемлекетке, сондай-ақ, туристерге осы визамен кіруге рұқсат етілген басқа елдерге еркін саяхаттауға болады.

Виза санаттары

Шенген визасын Қазақстанда қалай алуға болады? Әсіресе мұндай визаны бірінші рет ашып жатқан болсаңыз, бұл өте қарапайым деп айтуға келмейді. Құжаттарды тапсырғаннан кейін сіз баратын мемлекеттің консулдығында тексеруден өтуіңіз керек. Құжаттар әр елде  талаптарға сай болуы керек, олар әр елде сәл өзгеше болуы мүмкін. Сондықтан,Шенген визасын алуға өтініш бермес бұрын, сіз баратын мемлекеттің елшілігінің веб-сайтында жарияланған алу шарттарымен танысқаныңыз жөн.

Визалардың 4 санаты бар:

• A – транзит үшін (әуежайдан шығу мүмкіндігінсіз);
• B - Шенген елдерінің аумағы арқылы 5 тәулікке дейін болу мүмкіндігі бар транзит үшін;
• C - демалу және көрікті жерлерді аралау үшін;
• D – жұмысқа, оқуға, ұзақ уақыт тұруға.

Шенген елдерінің бірінде тұрақты тұратын туыстарыңызға жиі баратын болсаңыз немесе сізде тұрақты іс-сапарлар жоспарланса, онда бірнеше рет Шенген визасын қалай алуға болатынын білу маңызды. Оның алғашқы визаға өтініштен айырмашылығы – таңдаған бағытқа қанша қажет болса, сонша рет кіріп-шығуға мүмкіндік береді. Шенген аймағында жалпы рұқсат етілген күндер санын сақтау ғана маңызды (әр жарты жылда 90 күннен аспауы керек). Бұл жағдайда виза 5 жылға дейінгі мерзімге берілуі мүмкін.

Шенген шақыруын қалай алуға болады? Сізді Шенген еліне баруға шақыратын адам немесе ұйым өтініш беріп, жеке басын куәландыратын құжаттарды ұсынуы қажет. Сондай-ақ, егер қабылдаушы тарап қонағының өмір сүру шығындарын төлесе, онда «міндеттеме туралы мәлімдеме» қажет.

Шенген визасын алуға өтініш бермес бұрын, сіз сапарды жоспарлап отырған мемлекеттің елшілігінің құжаттар пакетіне қойылатын талаптарды мұқият қадағалауыңыз керек. Егер сіз бірден бірнеше елге сапарға шыққан жағдайда бірінші баратын немесе ең ұзақ уақыт болуды жоспарлап отырған елдің талаптарына назар аударуыңыз керек.

Туристік мақсатқа виза ашу

Жерлестеріміз арасында жиі қойылатын сұрақтардың бірі: «Еуропа елдерінде демалу үшін немесе туристік мақсатта бару үшін Қазақстанда Шенгенді қалай алуға болады?» Ең алдымен келесі құжаттарды дайындау қажет:

• визаға өтініш формасы;
• елге қайту күнінен бастап кемінде 3 айға жарамды паспорт;
• төлқұжат өлшеміндегі екі фотосурет;
• елде тұруды растау – курортта брондау мерзімін көрсететін құжаттар, жатын орын жалдау шарты немесе туристік ваучер;
• атқаратын қызметі туралы жұмыстан анықтама және демалыс туралы бұйрық;
• туристің кірісі туралы анықтама және ағымдағы шотыңыздағы соманы көрсететін банк анықтамасы;
• отбасы жағдайы туралы құжаттар (бар болса, неке немесе некені бұзу туралы куәлік);
• шетелде жарамды медициналық сақтандыру.

Бұрын берілген Шенген визаларының көшірмелерін (бар болса) ұсыну басымдылық береді.  Сонымен қатар, сізде екі жақты бағыттағы билеттер (немесе әуе билеттеріне расталған брондау) болуы керек. Қолыңызда барлық құжаттар болған кезде елшілікте қабылдауға жазылуға болады. Ерсеру қажет реттілік, кіру рұқсатын алуға өтініш сапарға дейін 180-нен артық және сапарға 15 күн қалған уақыттан кешіктірілмей берілуі керек.

Шенген визасын Алматыда немесе Қазақстанның басқа қаласында қалай алуға болатындығы туралы толығырақ gov.kz сайтында немесе сапар жоспарлап отырған елдің елшілігінің интернет-ресурсында білуге болады. Өтінішті қарау мен сұхбат сәтті өтуіне көз жеткізу үшін құжатқа қойылатын талаптарды қатаң сақтау керек.

Сіз қандай елдерге бара аласыз?

Шенген аймағына 29 мемлекет кіреді, оның 25-і Еуропалық Одаққа мүше. Италияда Шенген келісімі қажеттілі туралы сұрақ туындаса, бұл елдің Шенген келісіміне қосылған елдер тізімінде бар-жоғын тексеруге болады. Ғаламтор арқылы бірнеше минутта сұрақтарыңызға жауап таба аласыз. Еуропаның кез келген елінде демалуды жоспарласаңыз, визаны алдын ала рәсімдегеніңіз дұрыс. Әдетте туристік визаға ұсынылған құжаттардың өңделуіне 15 күнге дейін уақыт кетуі мүмкін. Сонымен қатар, кіруге рұқсат беруден бас тартылса, жоспарларыңызды өзгертуге уақыт болады.

Грекияға сапар үшін Шенген қажет пе? Иә, қажет. Бұл ел де Шенген аймағына кіреді, сондықтан оған қазақстандықтар тек визамен ғана кіре алады. Шенген аймағының 29 мемлекетінен басқа, Еуропалық Одақтан тыс кейбір елдер де Шенген визасымен кіруге рұқсат береді. Мысалы, Албанияға, Кипрге, Кюрасао аралдарына және Гибралтарға сапарды жоспарлаған болсаңыз.

Шенгеннің Чехияда немесе басқа еуропалық елде қажет екенін нақты білмесеңіз, бұл ақпаратты, сонымен қатар, ең жақын елшіліктің немесе виза орталықтарының байланыс нөмірлерін Ғаламторда жылдам табуға болады. Елшіліктер кеңес беру және құжаттарды жинау міндеттерін осы орталықтарға жүктеген.